GF NI DAVID FOSTER INSTANT FRIEND NI VICKI BELO / GALIT NI KRIS NAILABAS NA
MANILA, OCTOBER 29, 2010 (PilipinoSTAR) TALONG ANONYMOUS (Pilipino Star Ngayon) Updated October 29, 2010 12:00 AM Comments (0) View comments
TRUE : Naikuwento ni Dra. Vicki Belo sa isang malapit na kaibigan na mukhang magkakatotoo ang panaginip niyang ma-interview ni Oprah Winfrey.
Dagdag na kuwento pa raw ni Dra. Belo, nung nandito sina David Foster kung saan nagkaroon ito ng concert sa Araneta Coliseum kasama sina Charice, Nathalie Cole, Peter Cetera, The Canadian Tenors at Ruben Studdard, nagpa-treat daw sa clinic si David Foster kasama ang girlfriend nito.
Tuwang-tuwa raw ang girlfriend ni David at kinausap daw si Dra. Belo na magkita sila sa Amerika at kung gusto nito, ipakikilala ito sa ilang mga sikat na celebrities sa Hollywood.
Nabanggit pa raw nitong girlfriend ni David si Oprah na i-invite nila ito para makasama nilang mag-dinner.
Naalala pa noon ni Dra. Belo noong kainitan ng Botox issue kay Charice, nag-dialogue raw itong si Oprah na "please tell Dra. Belo not to touch the face of Charice."
So aware si Oprah na merong sikat na Dra. Vicki Belo sa Pilipinas.
TANONG : Ayaw na nga bang patulan ni Pauleen Luna ang ilang nang-iintriga sa kanya tungkol sa sinabi ni Michelle Madrigal na mas maganda siya rito?
Maraming nag-react sa nakakaintrigang episode na iyun sa Survivor Philippines at ginugulo sa Twitter si Pauleen kung ano ang masasabi nito sa deklarasyon ni Michelle.
Dedma lang si Pauleen at sinabi nitong "Yes I agree. Michelle is hot" para hindi na humaba at magkaroon ng intriga.
TOTOO KAYA itong kuwento sa amin kamakailan lang na hindi pa rin nagbabago ang nagbabalik na child actor dahil lulong pa rin ito sa casino at hindi pa rin natatapos ang pinagkakaabalahan niyang pa-booking sa mga mayayamang bading?
Palibhasa, walang raket dahil tinanggal na ito sa regular show niya, sa casino na lang ito nagbababad pero madalas ay talo naman kaya kapos na kapos sa datung!
Minsan daw nanggulo ito sa ilang kaibigan nagpapahanap ng booking sa mayayamang bading.
Meron namang pumatol na isang mayamang bading na kararating lang galing Amerika.
Nagkasundo sila sa halagang 30 kiyaw! Tumuloy sila sa isang 5-star hotel sa Maynila. Pagpasok sa kuwarto, naghubad daw agad si dating child actor at ipinahimas ito kay bading. Hinawak-hawakan naman daw ni bading at elyang-elya na sana ito. Pero biglang pinigilan siya ni aktor, hiningi muna ang datung at meron lang daw siyang babayaran sandali. Aalis daw muna siya para ibayad ang 30K. Ibinigay naman ni mayamang bading ang datung at naniniwalang babalik agad si aktor.
Pero namuti na ang mata ni mayamang bading, 'di na bumalik si aktor dahil tumuloy na ito sa paglalaro sa casino. Dedma na siya kay bading dahil enjoy na ito sa paglulustay nang nagetlak na datung sa baklang balikbayan.
TSIKA LANG : Malaki ang panghihinayang ni Jonalyn Viray ng La Diva dahil hindi natuloy ang show nila sa Las Vegas na matagal nang naka-book.
Nakatakda na raw sana silang lumipad pa-Amerika sa susunod na linggo, pero biglang nagpasabi na ang producer na huwag na silang tumuloy.
Tuloy pa rin naman ang magandang career ng La Diva at umaariba pa rin sila sa Party Pilipinas.
Galit ni Kris nailabas na! SANGA-SANGANDILA Ni Veronica R. Samio (Pilipino Star Ngayon) Updated October 29, 2010 12:00 AM Comments (5) View comments
Photo is loading... KRIS AQUINO.
Hindi naman ibig sabihin ay magkaka-boyfriend na agad si Kris Aquino pero nararamdaman na niya sa kanyang puso na masaya na siya sa piling ng kanyang dalawang anak, walang bitterness na dulot ang kanyang failed marriage at handa na siyang muling umibig.
"Next year, by that time, handang-handa na ako," sabi niya.
* * *
Paanong hindi aabangan ang horror movie ng Regal para sa MMFF eh mga bagong tambalan ang makikita rito? Pinagpare-pareha ng Regal matriarch ang mga artista ng magkalabang mortal na GMA 7 at ABS-CBN tulad nina Sid Lucero at Carla Abellana.
Dapat talagang papurihan si Mother Lily dahil sa kanyang mga pelikula lamang nagkakasama-sama ang mga artista na hindi inaasahan ninuman ay magiging magkapareha pa.
In fairness mukhang pinaka-nakakatakot na mga istorya ng Shake Rattle & Roll itong 12th episode nila.
* * *
Napaka-suwerte ng PMPC na nakuha nila para magprodyus ng kanilang Star Awards for TV ang dating taga-That's Entertainment at ngayon ay isa nang matagumpay na events producer na si Joed Serrano. Ngayon pa lamang ay nakikini-kinita na ng mga taga-PMPC na magiging maganda ang kalalabasan ng kanilang awards night sa November 13 sa Resorts World dahil hands on si Joed sa ginagawang paghahanda para rito.
Pawang sa mga episodes na ginawa nila sa Maalaala Mo Kaya ng ABS-CBN nominado for single performances sina Gerald Anderson, Dominic Ochoa, Jolo Revilla, Lester Llansang, Martin del Rosario, Ronaldo Valdez at Zanjoe Marudo.
Matangi naman kay Maricel Soriano na sa kanyang drama episode sa TV5 na Star Special Presents nabigyan ng nominasyon, ang mga co-nominees niya para rin sa Single Performance By An Actress ay mga MMK stalwarts din, tulad nina Aiza Seguerra, Angel Locsin, Dawn Zulueta, Gina Alajar, Gretchen Barretto at Irma Adlawan.
* * *
Ano naman ang masama kung sa ama ng kanyang anak na si Patrick Garcia ipagkatiwala ni Jennylyn Mercado ang pangangalaga at pagtingin sa kanilang anak na si Alex Jazz ngayong abala siya sa kanyang pang-MMFF movie na Rosario at sa kanyang bagong serye sa GMA7, ang Little Star? Magandang pagkakataon ito para mabawi ni Patrick ang mahabang panahon na nawala sa kanila ng kanyang anak.
Sa halip nga na patulan pa ang mga intriga na inaabuso raw ni Jennylyn ang pagiging ama niya sa bata na nagsisilbi ring dahilan para hindi siya makatanggap ng trabaho, ini-enjoy na lang ni Patrick ang pagsasama nila ng bata.
* * *
Bumabalik sa Maalaala Mo Kaya ang Horror Princess na si Maja Salvador sa isang Halloween presentation kasama sina Ejay Falcon at Felix Roco sa isang nakakatakot na material na dinirek ni Dado Lumibao.
----------------------------------------------------------
Chief News Editor: Sol Jose Vanzi
© Copyright, 2009 by PHILIPPINE HEADLINE NEWS ONLINE
All rights reserved
----------------------------------------------------------
PHILIPPINE HEADLINE NEWS ONLINE [PHNO] WEBSITE
[Non-text portions of this message have been removed]
Follow us on Twitter: http://twitter.com/phnotweet
This is the PHILIPPINE HEADLINE NEWS ONLINE (PHNO) Mailing List.
To stop receiving our news items, please send a blank e-mail addressed to: phno-unsubscribe@yahoogroups.com
Please visit our homepage at: http://www.newsflash.org/
(c) Copyright 2009. All rights reserved.
-------------------------------------------------------------
